Qosmos et Amesys sur France24

قضية امسيس والتجسس_Search for human rights in France

جحيم اتحاد المدونين الليبين

جحيم اتحاد  المدونين الليبين

كانت المدونات  قليلة  جدا  من العام 2003 وحتى 2011 ،وتعد على الاصابع تلك  كانت تتجرأ على الكتابة  في السياسة،منذ عامين اتصلت بي فتاة تدرس في اكاديمية الدراسات العليا بطرابلس ، وقالت انها كانت قبل الثورة بصدد  رسالة تخرج حول المدونات الليبية ففوجئت برفض لمدنتي ومدونة عبد الرازق المنصوري من داخل ليبيا من ضمن المدونات  ضمن موضوع الرسالة 

بعد الثورة القيت بها واعطيتها بيانات وسألتني أسئلةنوكان من ضمنها لماذا توقف نشاطي؟

اليوم قادني الحنين للمدونات التي كانت   مصدر قلق لنظام المقبور،وجدت المدونات الليبية خاوية على عروشها

حوربت كثيرا كفتاة مدونة حتى حين انشئنا اتحاد المدونين الليبين،وكنت على رأس هذا الاتحاد ،حوربت لأنني فتاة اعيش في مجتمع ذكوري متخلف ، ولأنه مدونتي كانت تجلب الزوار من كل مكان.

 حوربنا بكل الطرق التي لا تخطر على بال فكل مشروع أبدأ به ،كان هناك من يريد ان يفعل مثله،ليس حبا في المنافسة ولكن  فقط تقليد لافكار الغير.

حوربت بكل الطرق التي تتوقعون حتى الدنيئة  منها،والحرب كانت مشابهة لما يحدث الآن  لي،فقط لانني

فتاة ومتميزة في مدونتي التي انشئتها في العام 2007

اخترق موقع اتحاد المدونين قبل الثورة بشهر وسرقت الصفحة التي انشئتها على الفيس بوك  ايضا التي كانت اول صفحة اخبارية على الفيس بوك فلم يكن هناك اي صفحة ليبية تنشر اخبار ليبيا بصراحة صفحة اتحاد المدونين الليبين واقتصرت الصفحات على

نبي 40 باش اختي تتشورلي شعري
ونبي  50 باش سعاد تجيب كيكة للعمل
وهلما جرا من الصفحات الهابطة

انشئنا ايضا شبكة على الفيس بوك  اضغط هنا  ولكن بدون اي تجاوب من المدونين الذين كان اغلبهم سلبي وهذا لن ولم يخفى على أحد.

اليوم في خضم هذا الهرج والمرج من صفحات إخباريةن يقودها مرتزقة انترنت مضادة للثورة، اعتقد انه لزاما علي ان انكش الماضي، واعبد احياء موقع اتحاد المدونين الليبين لاننا محتاجين لمدونين ينقلون الحقيقة المجردة وباسمائهم من داخل الوطن للعالم الخارجي

محتاجون لهواة كتابة وتدوين لأنن أؤمن انها الطريقة الوحيدة التي تنقل الخبر بمصداقية بعيدا عن صفحات يديرها اشباح

العام الماضي حاول  الاتحاد الاوربي بالتعاون مع فرانس 24 احياء موقع مشابه ولكنين بعد حضور الدورة والبدءبالتدوين اكتشفت انهم يريدون اتجاه معين للكتابة في الموقع ،وغالبا  اغلب التدوينات  لم تنشر من قبل الادمن الرئيسي ،

فانسحبت لانني أؤمن انه المدون هو الرقيب على نفسه

لهذا سوف أبدأ الجهود من جديد لعودة التدوين الليبي وبقوة .

كنا نعمل انا وعبسي فقط في الموقع من صممه هو عبسي  وهو مدون من ذويي الاحتياجات الخاصة، وكنت الوحيدة التي تقوم بالتحديث فيه يوميا ،ودفعت ثمن رسوم الموقع لوحدي لمدة 3 سنوات منذ تأسيسه وحتى إختراقه في 2011.

الموقع الان خاوي على عروشه بعد حروب طاحنة مع اشباه مدونين على وزن اشباه ثوار وانتصرت غيداء عليهم وبقوا هم في مزابل التاريخ.
غيداء التواتي طرابلس الساعة 12 ونصف صباحا من يوم 30 اغسطس 2013

يوميات مدونة ليبية داخل العاصمة

لثاني الي اليوم شديته بلا طارقة وين معلقها في مرش السيارة من فوق باهي علاش؟ جكترة ؟ جو عبسلامات؟ مفهمتش

جيت جنبه بهدوء لانه معاه صغار قتله يا اخ يا محترم لو معندكش كيف تبت الطارقة في السيارة تفضل انزل على اليمين عندي ضادوات اني نثبتها 

علاش مخليها هكي ؟
قالي شاريها جديدة
قتله باهي اني راني مش عليك اني على 4 الي مركبهم اطفال ليبيا الي نبونعبوا عليهم يبنوا ليبيا يشوفو في بوهم مش محترم القانون معنها انت تبي تطلعلي 4 عاهات مستقبلا نقعدو نعانوا فيهم

ترا شن قالي

انتي خيرك مخلية طارقة الجماهيرية؟

اني طارقة متعي مبخوخ اسم الجماهيرية بالبخاخة وباين شوية
قتله هو غر غير طارقات روسكم الي معشش فيها فكر معمر بعدين توة نغيروا اسم طارقات الجماهيرية اني على الاقل طارقة معلقة في مكانها

ترا شن قالي

قالي اني زنتاني

قتله خلاص تمت لا زنتاني لا مصراتي ولا ورفلي ولا سرتاوي ليبي ليبي كلنا قدام القانون سواء

شن دسكة القحوص الجديدة هادي

المهم هادي صورة سيارته قدمت شوية لقيت في السيمفارو واحد تاني زيه كان يسمع فيا

قتله سمعتني شن قتله على الطارقة قالي اي

قتله الكلام موجة ليك حتا انت

مشي قالي حاضر الحق الراجل
هههههههههههههههههههههههههه
المهم اني توة بنشدها وراهم كلهم الي بلا طارقة لابد المواطنين يساعدو بالنصح الصراحة
الي يعرفه يقوله علق الطارقة مكانها خيرلك

ضابط شرطة ليبي يخترق القوانين

اني مواطنة صالحة نوقف الخطأ ونساعد بلادي باش تبدا دولة قانون ومنتفرجش عليه 

اليوم كان يوم متابعة كل السيارات الي بلا لوحات اليوم فجأة واني في جزيرة دوران راس حسن متجهة للكلية في جامعة طرابلس صار موقف خلاني نبكي بكيت لاني عرفت اليوم وزدت تاكدت انه العقول فعلا تبي تغيير وانه جهاز الشرطة فعلا يبي إعادة النظر

فوجئت بصاحب السيارة الي في الصورة بلا طارقة وكنت اني نسوق وراه ولما تلفت جيهة السواق 

شوفت شي لين شهقت تعرفوا شن شوفت؟

ضابط شرطة معلق نجمة ووبدلته ويسوق في السيارة ويتكلم بالموبايل ولما قتله اتقي الله وركب لوحات معدنية ونحي التليفون معقولة انت الي تبي تطبق القانون تخترق القانون ترا تتوقعو شن رد عليا


ليبيا حرة ومنبيش نركب طارقات

رديت عليه بكلمة قتله انت شرطة معمر وشرطي فاسد

وخرط بكلمة وحي حي حي عليه وشدتها في جرته اني نجري وهو يجري علقت فلتشات الاربعة
ونقلوه درس يمين لو انت راجل ونأشرله بايدي هرب مني مباش يوقف زدت صكرت دماغي


كنت بنخش للجامعة فت فتحة جامعة طرابلس
وعلقت عليه بعد الكوبري لما لقوني 2 من الشباب الي كانو معانا في العزل وفي مظاهرات ميدان الجزائر قالي خيرك

واني نصيح اوقف لو انت راجل على اليمين وقفوه الشباب

مش وقف وننزله بعد الكوبري متع السيارات متع كلية الطب

وبديت نقوله شن حسك قلت انت يا مريض وين كنت بايت ليلة 16 فبراير؟
اني حاربت على دولة القانون والنظام مش دولة الفوضى والهمج

وننزله ورقي نحطه في وجه وبديت نقوله انت يا بني ادم انت شرطة وداير هكي تي انت مفروض النجمة تتنحا من فوق كتفك

نزلوا شباب ثانين قالولي خيره قلتهم هم ايقولي اسكتي

واني بديت نتكلم اقسم بالله خليته مقدرش يرد باي كلمة

عطيته درس في القانون والوطنية

بديت نخبط في مكان اللوحات بايدي نقوله مدير نجمة كتفك وهادي شنو وين هادي اللوحة المعدينة كيف تبي المواطن يكون منضبط وانت هكي طلعلي وراقيه وبدي يصيح

اني ثاير ومصاب بببببببببببببببخ حسه خوفني المصايب جاي من نوعيته هو

قتله هياااااااااااااااا كملت دسكة الثاير خلاص تمت انتهت هيا انت لو حاس بالثورة راهو اول واحد تطبق القانون
نزلو شباب من الطريق حتا هما بيرفعوه للمركز انه مخالف ولابس بدلة مش شباب ميدان الجزائر قالولي حني نتكلموا معاه

المريض هذا لاقاني بنت يحسبني لو بنت بنسكت يقولك هادي نقوللها كلمة توة تخاف لكن طاح وين استراح

ومبيتش نفلته مشيت وراه لانه قدام في جزيرة دورن عين زارة متع الداخلي فيه دورية قلت نبي نشوف الدورية تشده ولالا؟

خطم من قدام شرطي المرور حياه الشرطي وابتسامة وخير خير

فتحت الروشن قتله توة خطم قدامك لانه لابس بدلة خليته ومش جايتكم تعليمات اي واحد بلا طارقة تشدو السيارة ومخالفة ولالا واقسم بالله الشرطي نزل راسه متع المرور مقدرش يرد عليا قتله حسبي الله عليكم في البلاد

مشي قدام شوية نفسه الدورية تصرفت معاه تحية والخير والجو هداك

وحتا هما فتحت الروشن وقتلهم اتقوا الله في فلوسكم اخدمو بضمير علاش مخالفتاش اتقوا الله في ليبيا اتقوا الله في دماء الشهداء

مقدرش يرد عليا

المهم اني نبي نبلغ وزارة الدخلية ببالبوست هذا انه الدوريات الي شادة طول طريق الجامعة جامعة طرابلس لعند جزيرة الدورات وجامعة ناصر مبوش يشدوه البي بل بالعكس يحيو فيه وهادي هي الصورة ومازال قصتي مع 2 سيارات توة نحطها بعد شوية

يعني اليوم الدورياتالظهر الساعة 1 راهي والي يعرف الشرطي هذا نبيه يقولي وين المركز الي يخدم فيه لاني نبي نشكي فيه ادارة التفتيش
واني متاكدة انه يخدم في مراكز تالشرطة الي في الجهة هديكا

العدالة في ليبيا

غيدائيات
#عدالة انتقالية

كواحدة من ضحايا السنوسي  

أنا اليوم استطيع القول ان بعض الجرح والألم في قلبي ،والذكريات المريرة في ذهني قد أزليت جزئيا ، وأشعر بطفيف أمل ، أنا اليوم استطيع القول حين سمعت النائب العام يقول انه سوف يحاكم هذا الرجل يوم 19 سبتمبر إنني اشعر ببعض السلام الداخلي وأنني مواطنة في بلدي وانتظر معاقبة وتقديم الباقي للمحاكمة العادلة 
وانني اطالب بمحاكمة عادلة لكل المتهمين ،ومعاملة حسنة، أريد ان يكون لهم محامي يدافع عنهم ،ومن حقهم الدفاع عن أنفسهم بكل الطرق التي يكفلها القانون

لأنني اريد أن اوصل رسالة للعالم

"نحن لسنا الوجه السئ لنظام العقيد"
نحن دولة احترام الحقوق والعدالة والقضاء والقانون

انا لا اطلب مالا ولا تعويضا أطالب فقط برد اعتباري حين تكتمل محاكمة الجميع رد اعتباري في كل من قال كلمة سوء في حقيـ وكل من تسبب بألألم لي ولعائلتي أريد اعتذار من الاجهزة الأمنية

اريد أزالة مباني التعذيب وسجون الاعتقال ، وخاصة ذلك المبنى الكئيب المسمى" طريق السكة"
أريد ان يقام نصب تذكاري لكل النساء اللواتي سجنهن السنوسي وهن معروفات بالأسم على مرة 42 عاما ،هذه هي التعويضات التي اطلبها

من لا يعرف عبد الله السنوسي وقصته مع عائلتي

من شابه اباه فما ظلم فوالدي وانا جرانا للسجن نفس الشخص

وهذا الرجل في الثمانيات أمر باعتقال والدي وجر والدي لباب العزيزية ثم للسجن مصطفى المعكف وانهال حسب شهادة والدي لي المعكف على ابي بالرب باخمص كلاشنكوف

حيث كان والدي ضابطا وكانت تهمته محاولة اغتيال السنوسي

في العام 2011 امر باعتقالي السنوسي وجرني للسجن مصطفى المعكف "نائب رئيس جهاز الأمن الداخلي الليبي"

كما انه حقق مع والدتي في احداث مظاهرات ابريل 76 واحتجزها ايضا

وفي العام 97 على خلفية ملاحقة المصلين في الجوامع قام بإعتقال أخي فقط لانه يصلي الفجر

هذه قصتي مع السنوسي

ومع هذا اريد ان ينال محاكمة عادلة ولا اريد ان يسئ احد اليه او ان يعامل معاملة مشينة لأنني لست مثله

القبض علي سفينة مواشئ ترفع علم كمبوديا قبالة سرت

القبض  علي سفينة مواشئ ترفع علم كمبوديا يمتلكها رجل اعمال لبناني ومقر شركتة بمدينة طرابلس اللبنانية تحمل موشئ غير مطابقة للمواصفات القياسية وصلت الساعة 2 ظهرا اليوم لميناء سرت علما ان ميناء سرت غير مؤهل لاستقبال مثل تلك الشحنات بالاضافة الي ان اجراءات تراخيص الاستيراد لهذة الشحنة غير صحيحة وتم القبض عليها بالتنسيق مع رجال البحرية بناء علي بلاغات من جهات التفتيش البيطري والحجر الصحي حيث وصلت للميناء الساعة 2 ظهرا ومن خلال البلاغات وتحرك القوي البحرية علما بان السفينة كانت تتردد علي ميناء بنغازي سنة 2012 بمحاولات للدخول تحديدا شهر اكتوبر 2012
وسنوافيكم بنتائج التحقيق قريبا
احمد الاوجلي
مراقب ملاحي بنغازي

شاهد على العصر - اللواء آدم أحمد الحاسي حقائق بخصوص سليمان محمود

الزاوية وأنا وجدي

هذه الصورة لجدي "سليمان مختار القاضي" وبجانبه والدتي في روما ، جدي ولد في العام 1911 وتوفي في العام 91 وحين توفي جدي فقدت أبي فجدي هذا رباني منذ وفاة والدي حين كان عمري 4 سنوات هذا الرجل هو اصيل مدينة الزاوية من اولاد جربوع وأمه برقاوية وحتى اخر اياماه كان يحب ان يزور اقرباءه في بنغازي ويوصينا بهم خيرا

حين فقدت جدي فقدت الأب فحين كان يسافر ويرجع كان يجلب اي كل شي حتى انه كان يفضلني على ابناء خالي وحين كان يذهب للحج كان ياتي لي بالهدايا من الذهب دائما
ويعلل ذلك بقوله لجدتي وكنت استرق السمع

"هي بدون اب وهما بوهم على راسهم
"
هناك اسم كان يطلقه علي جدي هو سر لن اقوله ابدا ولكنني ابتسم حين اتذكر الاسم
جدي كان يتقن الايطالية جيدا ولديه اصدقاء يهود ليبين في روما كانو جيرانه واحسن اليهم دائما علمني ان اكون متسامحة مع كل الاديان

جدي هذا كان يستمع لاذاعة لندن القسم العربي ويجلب الصحف والمجلات التي تسرب من خارج ليبيا وكان لديه العديد من الكتب السياسية التي قرأتها

رجل هادئ قليل الكلام وصبور ورزين
جدي هذا يرقد في مقبرة الكريمات بمدينة الزاوية مقبرة العائلة حيت ترقد جدتي البرقاوية وجدي المختار ابيه وخالتي وباقي العائلة

اتذكر حين رحل عن الدنيا كنت الاحق السيارة التي تحو جثمانه حتى ادمت ركبتاي واصرخ ولا زلت حتى الان ابكي حين اتذكر اني فقدت أبي القاضي الكبير

اطلق جدي عبد الهادي البرقاوي اسم مصطفى على ابن خالي الكبير المولود في بنغازي في 69 حيث كان خالي مقيم ببنغازي لمتطلبات عمله
تيمنا بالمناضل البرقاوي مصطفى البركي لانه الشيخ مصطفى تربطنا به علاقة قرابة من ناحية جدتي البرقاوية وحين سمع جدي سليمان بهذا بارك اختيار جدي عبد الهادي لهذا الاسم

الله يرحمك يا بوي

انتهاكات عصابات مسلحة غرب ليبيا لاعضاء اجهزة امنية

رسالة من شخص انتهكت حقوقه وتعرض للتعذيب من قبل عصابات ومافيات تتخذ من مدينة ورشفانة مقرا لها

 في يوم 2012:8:27 كنت انا وزملائي في عمل نتحروا في ورشفانة تحديد في اولاد عيسي كنا طالعين باأمر من الكتيبة بخصوص اول سيارة اتفجرت في شارع النصر
المهم تم القبض علينا من عصابة ورشفانة وتعذبنا بجميع انواع التعذيب كهرباء بالسلاح باعصاء بجميع انواعه والمشلكة 60 شخص من ورشفانة علي 4 شباب شدونا ساعة 5بعد العصر عذبونا وكل واحد رفعوه الحوازة  وقالونا احنا كتيبة "الشهيد معمر القذافي" وبنعدموكم ياجردان

 كنت طايح علي الارض والسلاح علي جبهتي يضرب في طلقات بجنب وذني يبيني نتكلم قولت الله اكبر قالي امعمر اكبر
جاهم تلفون من مجلس الشيوخ ساعة 2في الليل رفعونا والله العظيم مالقينا كلمة خير في شيابينهم قالولهم اعدمتهوم علاش خلتوهم
 لتوا شيابين مقعمزين في جااامع ودارو ورقة بينهم وبين المجلس عسكري وهربونا ساعة 2:30 في الليل .
.ارقدنا في مستشفي الاستقلال اسبوع وبعدين طلعنا عالجنا علي حسابنا في الخارج .. المهم درنا اوراق وارفعناهم الموتمر ولقينا الموضوع امسكرينا ومايبوش كلمة سوء في العصابات الي في  ورشفانة قلناهم ربي ياخد فيهم الحق

هذه شهادة أحد الضحايا 

يسقط جهاز شرطة معمر

مقر جهاز الأمن الداخلي 1

مقر جهاز الأمن الداخلي ” الإستخبارات ” – طريق السكة – طرابلس – ليبيا Copyright: Ahmed ZBEDA All right reserved www.ok.ly 

اليوم كان  ليكون يوما عاديا في حياتي حيث انني استقليت سيارتي واتجهت لمبنى تابع للأمن الداخلي سابقا(مكافحة الزندقة سابقا) ،الكائن بطريق السكة امام رئاسة الوزراء بعد ان  تفاهمت انا والضابط التحقيق في المكان للروجوع مرة اخرى لأنني ابحث عن مستندات تخصني واوراق وحتى يمكن اقفال محضر التحقيق الذي تقدمت بشكوى فيه بخصوص الاشخاص المتورطين باعتقالي، لقد  زرت هذا المكان ثلاثة مرات وفي كل مرة اجهش بالبكاء ،وانهار،وابقى في حالة شرود لأن هذا المكان يرتبط بذكريات مؤلمة.

 اليوم قالي لي السيد عماد الضابط في مكتب امن المعلومات وهو الأسم الجديد لمبنى البشع(الامن الداخلي طريق السكة) غيداء  يمكننا ان نكمل التحقيق ونبحث عن اوراق اليوم تخصني .
ارتديت سترتي الخضراء احب هذه السترة لانني اريد ان اخرج من قوقعة اللون الاخضر المكروه لانه لون علم القذافي ،وذهبت للمكان وبحتث عن مكان ولم اجده واضطررت  لركن سيارت في موقف سيارات لمصرف ملاصق بالمكان ،وترجلت من سيارتي مع العديد من المعاكسات من رجال ليبين سيئين.

دخلت البوابة الرئيسية دون اي مشاكل ثم تقدمت للبوابة الثانية في الداخل ،وتقدمت  بإبراز هويتي لشرطي المكلف  بأخذ الاسماء في الباب واثبات الهوية وإذا بي ارى شخص يهجم بسرعة يقول لي بلهجة ونبرة  مستفزة( انتي انتي وين ماشية)!!،
التفت اليه وقلت له اولا انا لست انتي انا انسانة مواطنة ليبية وسجينة سابقة واتبت هنا لاجل عمل خاص بقضيتي 

فرد علي
(ممنوع ممنوع المراجعة للمنظومة الاحد والاربعاء!!)
قلت له حسنا أنا لا ابحث عن المنظومة لدي كل الاوراق الثبوتية ،والمستندات من ملفي في جهاز المخابرات التي تؤكد فترة اعتقالي لمرتين والتحقيق معي ،أنا هنا لأنه هناك ضابط تحقيق استدعاني لإكمال التحقيق !
لم يقتنع هذا الشرطي واعتقد انه اللون الاخضر استفزه واستفزته فتاة تعارضه وترد عليه بالحجة.
نظر الي بنظرات دونية ومن ثما بدأ يصرخ
والله ماك خاشة اهني والله ماك راكبة فوق !!
قتله اني جاية بناءا على موعد مع الضابط يا استاذ .

اصر قائلا:- اتصلي بيه توة
اتصلت بضابط التحقيق عماد  واثناء فترة نزول الضباط قلت له:_

هذا المكان لابد ينهد وينبى بدله تذكار  يذكر الليبين بفترة القمع هو و هما نفسكم نفس الاسلوب ونفس المعاملة وكل شي متغيرش  ، انت طريقة معاملتك سيئة وهذا انتهاك لحقوقي 
 المعاملة الي قبل وقت معمر هي هي يخي وقت نظام معمر كانو يخافو من رؤوسائهم وفي البوابة كل مانستدعى للتحقيق معاملة الباب كانت كويسة.

 معقولة قتله نتعامل بنفس الطريقة حتى بعد الثورة ؟

 الشرطي النذل الفاسد صاحب الشفاه القرمزية المتورمة، والمؤخرة المشدودة لم يكتفي بهذا بل اصر على عدم دخولي، وحلف يمين طلاق انني لن اصعد فوق حتى بعد نزول الضابط واخباره انها هنا بإستدعاء منه لاكمال التحقيق! قلت له بصوت عال:-

(انت وين كنت تخدم في شرطة معمر وداخلي معمر اني واهلي تبهدلنا على خاطر ليبيا تولي دولة تحترم حقوق المواطنين وبلد القانون ، واني هنا بامر القانون
وهني حاول يتهجم عليا وبدأ يصور ويجول والزبد يرغى من فمه بطرقة مقرفة 
 لكن بعض الموجودي من الشرطة  قالولي احني نحلو المشكلة معاه افندي عماد قالي روحي ورفعه للتحقيق الادراي واني مشيت طلعت قعدت نبكي طول الطريق اتصل بيا افندي عماد  لانه لقاني طلعت واني نبكي يسأل عليا

 رديت عليه واني مخنوقبة بالعبرة اني قتلك المكان هذا منحباش تعرضت فيه للاهانة مرات ومرات في عهد معمر ويوم 16 فبراير جابوني ليه ذليلة صاغرة اني المكان هذا وقت نخشه نحس بالم وغصة في قلبي 
قالي افندي عماد الموضوع ميطلعش من ادارة امن المعلومات احني حنفتحو تحقيق

لكني اني كبنت ليبية تعرضت للاهانة مش حنسكت واصريت اني نفتح محضر في مركز شرطة نثبت فيه سوء معاملة الشرطي ،ونذالته ولما وصلت لمركز بابا بن غشير لقيت معاملة محترمة كويسة
 والشباب تلقطو يسمعولي شن القصة وفي منهم لقيته يتابع فيا على الانترنت ، ماشاء الله على معاملتهم محترمين وكويسين اني قتلهم اني منقولش الشرطة كلها مش كويسة لكن مفروض انتو تطلعو مش كويس معدش يخدم في الجهاز لانه يسئ للشرطة..

كملت المحضر  وصورت   صور من داخل   المركز نشوف في  الخراب والدمار الي فيه والعمل يسير عادي جدا لكن لحق المركز متهالك ووقت سألت قالولي حتى مسدسات معنداش.
قالولي  لو جي يتأسفلك تنهي الموضوع؟
 قتلهم  اني منبيش  تأسف ولا اعتذار اني شكيت باش يكون هو وغيره عبرة لغيره يعرف انه العلاقة بين الشرطة والمواطن مش قمع وتشحيط عروق

لهذا اني نبي نقول ياشرطي معمر اني ولا انت والله والله والله وراكم لين يتنظف الجهاز من اشكالكم  وليبيا يبدا فيها شرطة محترمة

وطحت وين استرحت زي ماقال الشرطي الي لقيته في المركز يتابع فيا والله وبالقانون لاما ناخذ حقي ورد اعتبار  وحنسجل الواقعة في منظمات دولية كنوع  من انتهاك جهاز الشرطة الجديد بعد الثورة في حق المواطنين
واني قتلهم شوفت معاملة الشرطة الفرنسية ليا في دار القضاء  لما مشيت بخصوص  قضيتي ضد شركة التجسس الي تورطت في التجسس على نشطاء شرطة تحترم حقوق الانسان بصورة عالية جدا

لكن اني الي قعدت نفكر فيه زعما شاف الجاكة الخضراء لابستها مشي تنرفز؟
اهني تبدامشكلة كبيرة مدخلاناش في مؤيد ولا معارض لانها هذا تمييز المواطن مواطن قدام القانون بغض النظر عن اي افكار في راسه
وهكي انتهي اليوم الي مفروض كنت نكمل  التحقيق من طرق السكة،ونطلع نجيب ورق باش نمنعوا بيهم متسلقين من السفر ونسلموهم لهيئة تطبيق المعاير الوطنية
قعدت في  موال الشرطي الي شوربه زي  شورب الفاصوليا.

وحيقعد عندي امل وهدف ازالة  مبنى مكافحة الزندقة او الامن الداخلي سابقا طريق السكة من الوجود واقامة نصب تذكاري فيه يذكر بحقبة القمع والدكتاتورية والقبضة الامنية ،وسأسعى لهذاالهدف ولن اتخلى عنه أبدا ن لا اريد اي تعويضات ولا اي شئ الا ازالة هذا المبنى وهذه رغبة كل الذين اعتقلو فيه في زمن العقيد.
غيداء التواتي _طرابلس_21 اغسطس 2013

النصب والنهب في اراضي الاوقاف في عهد العقيد والان

الشهادة العقارية هادي هذه خشت كتاب غينيس لأنها أغرب شهادة عقارية في العالم فشعبان الكشيك استغل علاقاته كمحرر عقود و سجل الشهادة هذه لأن حسب قواعد التخطيط العمراني و مصلحة التسجيل العقاري لا يمكن تسجيل قطعة ارض حدودها طريق تقسيم طريق تقسيم طريق تقسيم من اربع جهات إنما يجب ذكر رقم القطع المحاذية لها و اسماء مالكيها و يمكن مراجعة اي شهادة عقارية مستخرجة في نفس الفترة لرؤية الفروقات
يعني محرر عقود مسجل ارض لنفسه؟!؟!؟!؟
ومكتوب تقسيم بن غرسة و بن غرسة عنده ٣٠ حصة فقط كما هو مسجل بالشهادة؟!؟!؟!؟!؟!؟
والشهادة مستخرجة في سنة ١٩٧٦م بعد ان أغلق معمر الاوقاف في سنة ٧٣ ولهذا لم تستطع الاوقاف الدفاع عن حقوقها

الورق موجود نسخة عند الاوقاف قدام همبورجا صلاح الدين

هم يعرفوا و تقدري تسمعوا من مديرهم طابلّة شخصياً...و كانت في نسخة في أرشيف أملاك حي الأندلس الذي ضاع بعد التحرير
(طبعاً ضاع لأنهم يبيعوا في المتر ب٥٠٠٠ جنيه توا)
والأرض مساحتها ١٧ هكتار يعني ١٧٠ ألف متر
يعني القيمة السوقية اللي يتناهبوا فيها الأربعة المذكور أسمائهم حوالي مليار جنيه من أملاك الاوقاف
القيمة بالظبط ٨٥٠ مليون

التاريخ و التسلسل الزمني للنهب هو :
١- كانت وقف
٢- معمر سكر الاوقاف
٣- الجماعة انتهزوا الفرصة و لعبوا لعبتهم زي محرر العقود الكشيك هذا.
٤- معمر زحف على الأراضي الفضاء بما فيهم الأرض هذه والأوقاف قاعدة مسكرة.
٥- فتحت لجنة التعويضات في ٢٠٠٧ و الجماعة طالبوا بتعويض و خذوا ٣ مليون و دفعوا رشوة قدرها ربع مليون لمفتاح نصر الحاتمي مدير مكتب نصر المبروك
٦- سكتوا شوية بعد ما خذوا التعويض و بعد الثورة رجعوا استولوا على الأرض و قعدوا يقسموا فيها و يبيعوا في المتر على ٥٠٠٠ جنيه
و هذا كله و هي ارض وقف

زاهر بن عثمان مات بالخبيث اللهم احفظنا و احفظ جميع السامعين في ألمانيا من الحرام اللي كلاه
و رئيس عصابة مافيا التعويضات مفتاح نصر جابلهم التعويض و خذي نسبته و خلاص...كان صاحب سيف قالوا..يخش عالبغدادي و يقول له وقع يوقع
اللي توا قاعدين يلعبوا فيها جماعة زاهر بن عثمان
بن غرسة و الكشيك و مش عارف من تاني معاهم
نبي نقول كلمتين بس: الي ميبيش يصدق الي قتله والورق ...يزيد يكذب على روحه و سيوره الحقيقة تبان و تطلع زي الشمس في يوم من الأيام

وربك في الوجود

الوثيقة الاصلية خديت صورة بموبلي وهما الاوقاف عطوني منها صورة قتلهم نبي نشري منها جاية نتأكد وهي وثيقة تبين تزوير واضح زي ماقلت والقضية قدام القضاء

غيداء التواتي _طرابلس

وزير الكهرباء محيريق ابن المجرم مسعود عبد الحفيظ هو وراء سرقة النفط بتواطئ حرس المنشئات

جولة رئيس الأركان الجديد في قاعدة طبرق الجوية

منى السافرة ومدعي التدين وأنا

mona &gaida

منى السافرة .. وزميلها المدعي التدين 

بين منى السافرة ، وموظف معها لا تفارقه سبحة فرق بين السماء والأرض

ليس هو افضل منها بالعكس منى البكوش وطنية ولا تسرق وليس لها الا مرتبها وعرض عليها الكثير 

ورفضت هي تخاف الله ولا تخاف البشر وهو يخاف البشر ولا يخاف الله

فيدعي التدين ليسرق ،ويطيل لحيته لكي يامن له الجميع

وغيرها كثير يحبون علنا ، وهو يحب سرا

هل قضية ارتداء الحجاب ونزعه قضية شخصية؟ ماذا لو فكرت فتاة بنزعه؟

اليس هذه علاقتها مع خالقها وليس من حق احد التدخل فيها؟

صديقتي منى غير محجبة ولكنها افضل من مدعي الدين ولابسي عباءة الدين الذي تحدث عنه فوق

يصدعون رأسي بدروس حين اجلس معهم عن ضرورة بقائي في البيت وأنني عورة ولكنني لست عورة هم بسرقتهم عورة وهم بإتخاذهم الدين ستارا عورة

حين بقيت في السجن 3 أشهر لم يكن معي محرم فلماذا لم تتحرك فيهم النخوة والشهامة حين فر أخي للجبهات وبقت والدتي وحيدة

هناك فرق اسمه منى البكوش التي تخاف ربها ولا تخاف البشر

وحامل السبحة الملتحي الذي يخاف البشر ولا يخاف الله

هناك فرق

أنا فخورة بصداقة ورفقة منى البكوش التي يقولون عنها السافرة لانها لا ترتدي حجاب
واكره ذاك الرجل مدعي التديناليس هذه علاقتها مع خالقها وليس من حق احد التدخل فيها؟
صديقتي منى غير محجبة ولكنها افضل من مدعي الدين ولابسي عباءة الدين الذي تحدث عنه فوق
يصدعون رأسي بدروس حين اجلس معهم عن ضرورة بقائي في البيت وأنني عورة ولكنني لست عورة هم بسرقتهم عورة وهم بإتخاذهم الدين ستارا عورة
حين بقيت في السجن 3 أشهر لم يكن معي محرم فلماذا لم تتحرك فيهم النخوة والشهامة حين فر أخي للجبهات وبقت والدتي وحيدة
هناك فرق اسمه منى البكوش التي تخاف ربها ولا تخاف البشر
وحامل السبحة الملتحي الذي يخاف البشر ولا يخاف الله
هناك فرق
أنا فخورة بصداقة ورفقة منى البكوش التي يقولون عنها السافرة لانها لا ترتدي حجاب واكره ذاك الرجل مدعي التديناليس هذه علاقتها مع خالقها وليس من حق احد التدخل فيها؟

صديقتي منى غير محجبة ولكنها افضل من مدعي الدين ولابسي عباءة الدين الذي تحدث عنه فوق
يصدعون رأسي بدروس حين اجلس معهم عن ضرورة بقائي في البيت وأنني عورة ولكنني لست عورة هم بسرقتهم عورة وهم بإتخاذهم الدين ستارا عورة
حين بقيت في السجن 3 أشهر لم يكن معي محرم فلماذا لم تتحرك فيهم النخوة والشهامة حين فر أخي للجبهات وبقت والدتي وحيدة
هناك فرق اسمه منى البكوش التي تخاف ربها ولا تخاف البشر
وحامل السبحة الملتحي الذي يخاف البشر ولا يخاف الله
هناك فرق
أنا فخورة بصداقة ورفقة منى البكوش التي يقولون عنها السافرة لانها لا ترتدي حجاب واكره ذاك الرجل مدعي التدين

غيداء _طرابلس_20 اغسطس 2013

يوميات فتاة ليبية "الفساد"

اليوم  وصلت لشخص عنده مستندات وورق على شخص ما في مكان ومنصب ما ،الاهم اني فرحت قالي اني ملقط ملف وتوة  الموضوع مش حنسيبه واني وراه  والحق اني فرحت بيه ، قلت الحمد لله في ناس تحارب في الفساد وتبي ليبيا تمشي صح  تكلمنا على إنه ليبيا تعاني أزمة وطنية نوتفاهمنا نتلاقو مع شخص ثالث نشوفو حل للموضوع المهم في اخر الحديث قاليلو عندك اي حد بيعالج على حساب ليبيا نديرله ملفه في اي وقت صاحبتك جارتك قريبتكاني علاجي برا حيبدا في شهر 9 بتبرع من منظمات دولية بعد ماشافو انه حالتي معدش تستنا واني فعلا رفضت نعالج على حساب ليبيا من قبلتعرفوا اني شن  صارلي  لما قالي هكي؟ربع ساعة نسوق ومعاي منى البكوش في السيارة نبكي لاني اليوم صدمت في ناس هلبا لقيتهم فعلا مشاركين في فساد هلبا واسماء كنت نحترمهااني مش حنوقف ولا نييأس ابدا ،اني نعرف انه التركة صعبة تخلف وجهل وقبلية وفساد وجهوية، لكني يا ليبيا معندي شي نقدر نديره معنديش ملايين، ولا عندي عصا سحرية ولا عندي يا ليبيا حكم ولا في منصب نقدر  نغير كل شي في وقت قياسيلكن يا ليبيا اني عندي حاجة واحدة هي حبي ليك وولائي ليك من شرقك لغربك لجنوبك لبحرك لجبالك نوعدك وعدة حرة زي ماوعدتك قبل الثورة وقت كنت نمشي على البحر ونبدا نحكي للسماء نقولك يا لييبا مش حنخذلك ولا نخليك ولا نييأس ولا نوقف ولا نبطل ابدا لين ينتهي الجهل والتخلف والفساد والقبلية والجهوية والمحسوبية وعدي ليك ووعد حرة كل الي نقدر نديره حنديره بعون الله، ربي معاي وحيساعدني ويسخرلي ناس معاي لاني ندافع على الحق ونحارب في غول اسمه الفساد لاني نبيك تمشي صح ، لاني نبي ثورة فبراير الي شوفتها وهي تكبر تاخذ الطريق الصح وبلادي تكون في مصاف الدول المتقدمة في كل شئ.وعمار يا ليبياغيداء التواتي _طرابلس_21 اغسطس _2013

حوار النواب - كلمات بعض أعضاء المؤتمر الوطني خلال الجلسات الأخيرة للمؤتمر

الساعدي القذافي والهيروين

‫#‏عاجل‬ النيجر

الساعدي القذافي دخل   المستشفى  في محل منفاه في النيجر بسبب تعاطيه جرعة هيروين زائدة،وبعد ان استفاق من الغيوبة طلب أن يرجع لمقر إقامته..

قبائل ليبيا ترفض الفدرالية والتقسيم

مذكرات أعتقال وتهم بالتأمر أصدرت في عدد من مدن الشرق والجنوب ممن حضروا أجتماع أمس وطالبوا بالتقسيم والامم المتحدة .

أوجلة و هون وسبها والكفرة واجدابيا والمرج وطبرق ودرنة وبنغازي والبيضاء.

عبدالرحمن سيف النصر المتحدث عن سبها أصدرنا بالأتفاق مع عدد من مدن الشرق مذكرات 

بالتوقيف ونطالب بأعدامهم ولن يكون لهم ذية في موتهم . وقال سيتم وسيتم القبض عليهم في 

الصحاري والتخلص منهم فلا محاكم ولا حقوق لخونة الوطن .

وأكد بأن المسئلة مسئلة وقت ولا يوجد لديهم مفر بعد الأن ، وذكر بأن على بنغازي و مناطق الشرق 

أن تستعد لهده الأخبار من الأن . نحن لم نحارب لنطلب الامم المتحدة تأتي لتقسيم ليبيا .

منسق قبائل أوجلة سالم مطاوع نحن لن نعترف بهذا الأقليم وهذا الجسم ولو اجتمع الشرق بأكمله

 على ذلك و الشمال الشرقي لن يحلم بنفط ليبيا من منابعنا حتى يتم شنق من اجتمعوا امس عبرة 

للخونة من أمثالهم ومن أجتمعوا لتقسيم الوطن وقال أن هذا الموضوع لا يحتمل الأنتظار .

الناطق مدينة هون جابالله البحيري يقول مسلسل التقسيم بدأت تتضح معالمه يوم أمس والنية 

أصبحت واضحة وعلى اهالي الشرق ان يفعلوا الصواب ويتخلصوا من الناعقين هذه المسئلة لا 

تحتمل التأجيل ولا المناقشة . وأتهم المؤتمر والحكومة بالحوار مع قطاع الطرق في عدد من المواقف 

وفي متل هذا النوع من الامور والمواقف لا ينفع الا حد السيف وقطع الرقاب جزاءاً بما كان يخططون.

سماح المسماري /المكتب الاعلامي - المؤتمر العام

•