حادث غريب في العاصمة طرابلس

طبعا واني طالعة من البركيدجو ونشوف حاجة نزلت من السمي

قالت ككككككككككككككف

ونشوفلكم شوفة الجسر الي قبل السلامة الوطنية والمحكمة في شارع السيدي تنزل سيارة باش من فوق تهرد هداك الحديد وتجي لوطا وجاب ربك مافيش سيارات ولا صغار ولا طلبة ماششين للمدرسة والحمد لله مافيش مواطنين تحته السيارة سبحان الله كلها تعفجت

بس شوفت حاجة غريبة بعد ماطلعت من المحكمة بساعة لقيت سيارة لونها برتقالي معرفتهاش اي جهة تابعة تلحم في الحديد اني نبي نوجهلهم التحية لانه فعلا جو بسرعة
الحق استغربت انه حو يجروا يصلحو فيه

طبعا مستقبلا في اشارت المرور معدش يعلموك تشوف المرايات الجانبيات والمراية الوسطية بس وقدامك في اختراع انك تبي تشوف حتى فوق تتأكد بالك في سيارة تبي دير سالطو فوق سيارتك

والله شي يبكي ويضحك امتا نبو بس نحترمو القانون