صور من مراكز الاقتراع "انتخابات لجنة ال 60"
هذه الصورة لها طابع خاص اثناء خروجى من مدرسة على العيادى قابلنى هذا
الشيخ الكبير فى السن واعتقد (75) سنة جاي للانتخابات بدون سيارة وفى جو
كلنا عايشينا (عجاج) نزلت من السيارة
احتراما له صورته وهو جاى وتحدثت اليه وابلغنى انه قادم لينتخب هل تعلموا
انه يتكلم 3 لغات ايطالية فرنسية انجليزية والاهم من هذا بالعاميه لما
سالته هل يقدر ينتخب او نساعده فى شي قالى ( انه يتكلم 3 لغات والحمد لله
مش زي هلبا ناس من جيلكم توا حافظ كلمتين ويطنش فى خشمه على الناس ومتكبر
على الناس وقالى ليبيا تحتاج الى ناس وطنيين ومتعلمين يبنوها مش يسرقوا
ثروتها ) درس كبير تعلمته ان مهما تعلمنا لازلنا لم نتعلم ربي يعطيه صحته
الحاج محمد ارحومة المحمودي مع العلم ان يسكن مسافة على الاقل 2 كيلو متر
على المدرسة ولما قتله نوصلك قالى خلي نتريض احسن سبحان الله احنا خطوتين
مش قادرين نمشوهم (ماشاء الله لا ناخذوه الحاج بالعين
ههه).......عبدالفتاح..
ليست هناك تعليقات:
إرسال تعليق